الايام الحلوة
الايام الحلوة بتعدي فى ثواني
الايام الحلوة ما بترجعش تاني
طعم الحب اتغير
وقت الفرح قصير
اكبر لحظة حب وود وصدق
زمنها صغير
الحل بيتمرر
والجرح بيتكرر
نجرح نظلم نقسى
ونألم وغلطنا بيتكرر
اللى نحبه بنودعه
واللى فى ايدنا بنضيعه
واللى ناسينا عايش فينا
واللى شارينا بنخدعه
ولا فى الشده حبايب
ولا فى الدمع قرايب
كله فى جرحك
فرحك
مرك
نارك
المك غايب
حبل الود اتسيب
طعم الظلم يشيب
زمن الصدق
وزمن الطيبة
بقت حاجة بتتعيب
معنى الحب بنزيفه
صوت الحق بنكلفه
واللى دابحنا ساكن روحنا
واللى جارحنا بننصفه
ماشية الدنيا ودايرة
فيها مراكب سايرة
ناس فى مراكب ضايعة
وناس فى مراكب تايهه وحايرة
ناس احزانها شديدة
وناس سكتها بعيدة
ناس كل ما دمعتها بتدبل
تطرح دمعة جديدة
فى عز المنا وفى جرحنا
بنتخلى عن بعضنا
وادى قصتنا وادى حكايتنا
وادى دنيتنا انت وانا
موضوع: كلمات اغنية الايام الحلوة .. إيهاب توفيق 
الخميس يوليو 14, 2011 5:51 am
